KVENNABLA&Eth;I&Eth;

Slegist um allar eignir

Tveir menn sjást hér gera tilboð í fasteign.

Ástandið á fasteignamarkaðnum er orðið alvarlegt. Skortur á húsnæði hefur sent verð upp úr öllu valdi og búist er við að húsnæðisverð hækki enn frekar á næstunni. Bókstaflega er slegist um allar íbúðir sem koma á sölu.

Myndin sem fylgir fréttinni er tekin á opnu húsi í huggulegri og vel skipulagðri 120 fermetra íbúð í Kópavogi. Tveir ungir menn í leit að sinni fyrstu eign sjást koma báðir með kauptilboð sem í dag er orðið frekar villimannslegt ferli. Algengt er að fasteignasalar láti væntanlega kaupendur útklá málið sín á milli og oft þurfa menn frá að hverfa með sárt ennið eða meðvitundarlitlir.

Trausti Hálfdánarsson hjá fasteignasölunni Rán segir það vissulega orðið erfiðara að kaupa húsnæði en þó ekki óyfirstíganlegt ef menn eru í góðu formi og hafa reynslu af slagsmálum í búri. „Það borgar sig að láta fagmenn meta, ekki aðeins íbúðina sem vilji er fyrir að kaupa, heldur líka þá sem þú ert að fara að berjast við um hana. Ef þetta er eintóm gamalmenni eða öryrkjar á opna húsinu þá er um að gera að setja á sig hanskana og koma með kauptilboð. Það fólk er aldrei að fara að ná að kaupa neitt. En ef þetta er fólk sem hefur það svo gott að það hefur efni á að hanga í ræktinni tímunum saman þá borgar sig frekar að fara að leita í öðrum hverfum þar sem aumingjar sækja frekar í,“ segir Trausti.