KVENNABLA&Eth;I&Eth;

Fjármálaráðherra kynnir nýja íbúabyggð í aðeins 40 ljósára fjarlægð

Námsmenn munu geta sótt nám við Háskóla Íslands í gegnum fjarfundarbúnað.

Íslenska ríkið ætlar að beita sér fyrir því að byggt verði meira húsnæði og hefur fundið ákjósanlegt svæði fyrir mögulega íbúabyggð. Nefnd á vegum fjármálaráðherra kynnti í gær tillögur sínar um aðgerðir til að koma fasteigna- og leigumarkaðnum í eðlilegt horf. Fundist hefur sólkerfi með sjö reikisstjórnum á stærð við jörðina þar sem stefnt er á að rísi ný íbúabyggð fyrir námsmenn, gamalt fólk og aðra aumingja í aðeins 40 ljósára fjarlægð.
 
„Við áætlum að byggja 20 þúsund íbúðir fyrir allt fátæka pakkið á TRAPPIST-1d sem er þriðja plánetan í röðinni frá móðurstjörnunni. Því verður skotið út í geim í sérstökum hylkjum sem hægt verður að breyta í íbúðir þegar á áfangastað er komið en slíkar íbúðir kosta aðeins brot af því sem kostar að byggja þær í Reykjavík,“ segir Benedikt Jóhannsson fjármálaráðherra.

Nefnd á vegum fjármálaráðuneytisins fann sólkerfið í fyrra og hefur rannsakað það síðan með það í huga að flytja þangað illa launað almúgafólk. 

„Við fögnum því að sjá loksins fram á að leysa húsnæðisvanda unga fólksins,“ segir Benedikt.