KVENNABLA&Eth;I&Eth;

Kosningaloforð frá 10. öld um bættan hag aldraðra og öryrkja fannst í Skaftárhreppi

Kosningaloforðið lofar að afnema tekjuskerðingu og 300 þúsund álna lágmarkslaunum.

„Þetta fer á topp tíu.“ Þetta segir dr. Kristín Huld Sigurðardóttir, forstöðumaður Minjastofnunar Íslands, um kosningaloforðin sem gæsaveiðimenn fundu í Skaftárhreppi á Suðurlandi um helgina. Kristín telur fundinn með merkari fornleifafundum síðustu ára. „Það eru svo fá loforð sem hafa fundist hér og því er þetta mikill fengur fyrir sögu þjóðarinnar,“ bætir hún við en samkvæmt fyrstu greiningu eru kosningaloforðin frá 10. öld.

Skjalið sem gæsaveiðimennirnir fundu er upprunalega kosningaloforðið um að bæta hag aldraðra og öryrkja sem ýmsir höfðingjar og seinna flokkar hafa endurnýtt í yfir þúsund ár.

„Við könnuðumst eitthvað við textann á skjalinu þegar við lásum hann yfir,“ sagði einn veiðimannana í samtali við fréttastofu eftir fundinn. „Þetta var sama loforðið og flokkarnir sendu á ömmu og afa fyrir seinustu þingkosningar.

Kristín segir að nú séu starfsmenn Minjastofnunar að kanna svæðið í von um að finna þar fleiri loforð. Henni finnt ekki ólíklegt að loforð um aðgerðir í húsnæðismálum séu þarna á svipuðum stað og til að vernda vettvanginn er ekki hægt að gefa upp hvar fundarstaðurinn er.

Minjastofnun hefur nú afhent Þjóðminjasafninu kosningaloforðið til varðveislu og greiningar, en samkvæmt fornminjalögum er loforðið nú eign íslensku þjóðarinnar enda ekki annað hægt þar sem það er búið að svíkja það nánast síðan land byggðist.
.