KVENNABLA&Eth;I&Eth;

Alþingi íhugar að hækka laun kjararáðs fyrir vel unnin störf

Kjararáð að störfum.

Hið kærleiksríka og elskandi kjararáð hefur náðarsamlega ákveðið að laun þeirra verst settu á meðal okkar skulu hækkuð upp í 1.101.194 krónur. Þeir verst settu þurfa oft að vinna við gríðarlega erfiðar aðstæður, ömurlegt starfsumhverfi og kolklikkaða yfirmenn.

„Það gleður mig að tekið hefur verið svona vel í stefnu okkar fyrir þessa kosningabaráttu þó við komust ekki til áhrifa í þessa skipti,“ segir Inga Sæland, formaður Flokks fólksins, sem þrátt fyrir að komast ekki á þing hefur greinilega haft áhrif í kjarabaráttunni með áherslum sínum. „Við í Flokk fólksins styðjum það að aumingja fólkið sem hefur haft það svo erfitt og bágt fái loksins að taka þátt í þjóðfélaginu nú þegar laun þeirra eru orðin mannsæmandi.“

Alls eru þetta 63 einstaklingar sem fá þessa ríflegu kjarabót og eru að vonum ánægðir með ríkisaðstoðina, en allt kemur þetta auðvitað úr ríkiskassanum. „Þetta mun klárlega auka stöðugleikan á vinnumarkaði hjá mér persónulega,“ sagði Bjarni Benediktsson, formaður Sjálfstæðisflokksins eftir að honum bárust tíðindin. „Svona á að nota skattfé og það er ekki amalegt að fá þetta svona rétt fyrir jól. Jólin eru oft erfiður tími eins og þið vitið.“

Einn þingmaður lýsti þó yfir vonbrigðum sínum með þessa upphæð og sagðist hefði getað reddað 1.9 milljónum ef hann hefði stýrt þessu sjálfur.