KVENNABLA&Eth;I&Eth;

Unga fólkið aftur í torfkofana

Unga fólkið og fjölskyldur geta vel búið í torfkofa eins og Íslendingar gerðu til margra ára.

Byggja á eitt þúsund torfbæi fyrir tekjulágt launafólk á næstu fjórum árum. Torfið varð fyrir valinu því það er þjóðlegt, umhverfisvænt og það eina sem fólk hefur efni á. Torfbæirnir munu rísa á þremur stöðum í borginni og verkalýðshreyfingin mun sjá um rekstur húsnæðisins. Allir flokkar eru sammála því að brýnt sé að leysa úr miklum húsnæðisvanda fólks, sérstaklega ungs fólks, en ekki er nægur vilji til að gera það vel.

Torfkofasamfélagið verður byggt um leið og heilbrigðiseftirlitið hefur látið af kröfum sínum um viðunandi aðbúnað. Í sameiginlegri yfirlýsingu Reykjavíkurborgar og ríkisstjórnarinnar segir að markmiðið sé að bjóða upp á ódýrt leiguhúsnæði fyrir tekjulágar fjölskyldur og einstaklinga.

„Það þarf að byggja fleiri íbúðir en við viljum ekki byggja nóg því þá mun fasteignaverð lækka aftur. Það er rosalega slæmt fyrir þá sem eiga mikið,“ segir í tilkynningu sem send var á fjölmiðla í gær.

„Fólk getur svo bara kveikt í kofanum þegar það er orðið lögfræðingar eða forstjórar og hafa efni á húsnæði,“ segir enn fremur.