KVENNABLA&Eth;I&Eth;

„Flókið að eiga peninga á Íslandi“

Sigurður Ingi útskýrði fyrir okkur í dag hvers vegna við værum alltaf blönk.

Atvinnuvegaráðherra telur líklegt að ástæðan fyrir því að margir eru alltaf blankir sé vegna þess hve flókið er að eiga peninga á Íslandi. Sjálfur á hann aldrei pening því hann eyðir þeim öllum í mat.

„Bara að plúsa saman og draga frá er ekki á allra færi. Ég fæ svona mikið útborgað, fer og kaupi mér hamborgaratilboð, bæti við gosi, set bensín á bílinn og kaupi mér pulsu í leiðinni. Hvað á ég þá mikið eftir? Það er ógerningur að vita það. Þetta er of flókið og þá verður maður bara að treysta bankanum,“ segir Sigurður Ingi Jóhannsson, þingmaður Framsóknar og atvinnuvegaráðherra.

„Það er svo flókið að eiga peninga að sennilega getur heimsk þjóð eins og Íslendingar það ekki. Fólk var nógu heimskt til að kjósa okkur og þá er öllum ljóst að það er ekki nógu klárt til að sýsla með peninga.“ 

„Því er ekki furða að Sigmundur og Bjarni vita ekkert hvað þeir eiga og hvar,“ bætir hann við.