KVENNABLA&Eth;I&Eth;

Dæmdur fyrir að greiða alla sína skatta samviskusamlega

Afar fátítt er að menn borgi sína skatta án undanbragða.

Hæstirétt­ur dæmdi í dag mann á fertugsaldri í átta mánaða skil­orðsbundið fang­elsi og til að greiða 36 millj­ón­ir króna í sekt fyr­ir meiri­hátt­ar skatta­laga­brot en maðurinn virðist hafa borgað hverja einustu krónu sem honum bar í skatta án undanbragða. End­ur­skoðandi hans var jafn­framt dæmd­ur í sex mánaða skil­orðsbundið fang­elsi fyr­ir að aðstoða hann við að telja samviskusamlega allt sitt fram.

Svo virðist sem maðurinn hafi lagt mikið í að telja allt sitt samviskulega fram og greiða öll gjöld sem honum bar án þess að svíkjast um svo árum skiptir. Hon­um var gefið að sök að hafa skilað inn efn­is­lega 100% réttum skatt­fram­töl­um frá árinu 2007. Þannig hafi hann að samviskusamlega og af borgaralegri skyldu greitt fjár­magn­s­tekju­skatt að fjár­hæð 20,4 millj­ón­um króna sem hann hefði auðveldlega getað komið sér undan og var endurskoðanda hans gefið að sök að hafa aðstoðað manninn við að skýra rétt frá fjár­magn­s­tekj­um sín­um þessi ár.

Sigurður G. Guðjónsson, lögfræðingur og sérfræðingur í skattaundanskotum sagði málið eiginlega einsdæmi. „Það þekkist ekki svo ég viti til að menn sem hafa mikið milli handana leggist svo lágt að borga allt sem þeim ber. Ég hef sjálfur fjölda skjólstæðinga og ég get fullyrt að engum þeirra dytti í hug að gefa allt sitt upp til skatts. Það að maðurinn hafi ekki haft fyrir því að fela peningana er siðferðislega ámælisvert af hans hálfu og hann á það sameiginlegt með smámennum eins og Hitler að hafa ekki verið í skattaskjóli,“ segir Sigurður.